31 جنوری کو بھی ہینڈ سیٹ بیچا جائے اور اگر وہ رات 12 بجے تک ایکٹیو نہ ہو تو ڈیلرز کو ایکٹی ویشن کا کمیشن نہیں دیتی
کراچی(اسٹاف رپورٹر) بین الاقوامی سطح پر مقبول و معروف کورین برانڈ موبائل فون کے حوالے سے ڈیلرز کی شکایت شامنے آئی ہیں ، ڈیلرز کا کہنا ہے کہ اس موبائل فون کمپنی کی انتظامیہ نے انوکھا قانون رکھا ہے کہ بالفرض جنوری میں اس کمپنی کا ہنڈ سیٹ فروخت کیا جائے اور اس مہینے کی 30 تاریخ تک اگر صارف اس ہینڈ سیٹ کو ایکٹو نہ کرے تو اس کی ایکٹی ویشن کا کمیشن کمپنی ضبط کر لیتی ہے۔ حتیٰ کہ اگر 31 جنوری کو بھی اگر ان کا سیٹ فروخت ہو اور رات 12 بجے تک اس سیٹ کو ایکٹو نہ کیا جائے تو کپنی انہیں ایکٹی ویشن کا کمیشن نہیں دیتی جب کہ دیگر برانڈز ایسا نہیں کرتے بلکہ دیر سویر ان کا کمیشن ادا کردیتے ہیں، ڈیلرز اور ایم ڈیز نے اس برانڈ کی انتظامیہ سے اپیل کی ہے کہ وہ اس معاملے کو سنجیدگی سے دیکھیں اور ڈیلرز کو ان کا حق دیا جائے جو ایک جائز بات ہے۔
139
