فیفا ورلڈ کپ: مراکش کی اسکاٹ لینڈ کے خلاف اہم فتح، اگلے مرحلے کی دوڑ میں پوزیشن مضبوط

فیفا فٹبال ورلڈ کپ 2026 کے گروپ سی کے اہم مقابلے میں مراکش نے اسکاٹ لینڈ کو 0-1 سے شکست دے کر قیمتی تین پوائنٹس حاصل کر لیے اور اگلے مرحلے تک رسائی کی امیدوں کو مزید روشن کر دیا۔بوسٹن میں کھیلے گئے میچ کا آغاز مراکش نے انتہائی جارحانہ انداز میں کیا اور صرف 71ویں سیکنڈ میں ہی برتری حاصل کر لی۔ مراکشی فارورڈ Abde Ezzalzouli (صائبری) نے دفاعی غلطی کا فائدہ اٹھاتے ہوئے گیند کو جال میں پہنچا دیا اور اپنی ٹیم کو ابتدائی سبقت دلا دی۔ابتدائی گول کے بعد مراکش نے مزید مواقع پیدا کرنے کی کوششیں جاری رکھیں، جبکہ اسکاٹ لینڈ نے بھی کھیل میں واپسی کے لیے بھرپور حملے کیے۔ تاہم پہلے ہاف کے اختتام تک اسکور 0-1 ہی رہا۔دوسرے ہاف میں اسکاٹ لینڈ نے گیند پر زیادہ کنٹرول حاصل کرتے ہوئے کئی خطرناک حملے ترتیب دیے، لیکن مراکش کا دفاع منظم اور مضبوط ثابت ہوا۔ اسکاٹش کھلاڑی متعدد مواقع کے باوجود گول کرنے میں ناکام رہے اور میچ کا واحد گول ہی فیصلہ کن ثابت ہوا۔میچ کے اختتام پر مراکش نے 0-1 سے کامیابی اپنے نام کر کے گروپ میں اپنی پوزیشن مستحکم کر لی، جبکہ اسکاٹ لینڈ کو شکست کے باوجود اگلے مرحلے تک رسائی کی امیدیں برقرار ہیں۔ اسکاٹش ٹیم اب اپنے آئندہ میچ میں بہتر نتیجے کے لیے کوشاں ہوگی۔